LEGAZPI CITY-Nagluwas sa imbestigasyon kan mga otoridad na suicide suboot an ikinagadan ni dating Department of Public Works and Highways (DPWH) Undersecretary Catalina Cabral.
Ipighayag ini ni Department of the Interior and Local Government (DILG) Secretary Jonvic Remulla ngonian na aldaw nin Lunes basado sa isinagibong imbestigasyon sa ngonian kan mga otoridad.
Segun sa kalihim na gabos na sinyales nagpapahiling na suicide an pigtuturong rason kan pagkagadan kan dating opisyal.
Naenot na man na kinumpirma ni Secretary Remulla na basado sa resulta kan autopsy sa hawak ni Cabral, nagluluwas na blunt force trauma an saiyang ikinagadan makalihis na mahulog sa sarong bangin sa may Kennon Road, Tuba, Benguet kan Disyembre 18.
Marurumduman na kaiba si Cabral sa idinadawit sa maanomalyang flood control projects asin nakaresibe suboot nin kickback hale sa mga proyekto
