LEGAZPI CITY-.Maeeksperyensyahan ngonian na aldaw, ika-21 kan Disyembre, an shortest day o pinakahalipot na aldaw asin longest night o pinakahalabang banggi huli sa Northern Hemisphere.
Segun kay Weather Specialist Melvin Almojela sa intrevista kan Bombo Radyo Legazpi, na sa ika-21 sagkod 22 sa bulan kan Disyembre nagpopoon an pinakahalipot na aldaw asin pinakahalabang banggi huli sa northern asin southern hemisphere kan kinaban basado sa anggulo kaini.
Tinawan doon man ni Almojela na tuyong Northern Hemisphere nakatutok parayo sa aldaw an earth kun kaya nagkakaigwa nin mas halabang oras sa banggi kumpara sa oras sa aldaw.
Kabaliktaran man suboot ini sa Southern Hemisphere kun sain nagkakaigwa nin halawig na oras sa aldaw asin halipot na oras pagkabanggi.
Maapektaran man an klima kun sain nagdadara ini nin malipot na panahon sa Pilipinas hale sa mga kataraid na nacion siring kan Russia asin China tuyong Nobyembre asin Disyembre.
Sa ngonian an nasabing phenomena, an dai dapat ikahandal kan mga namamanwaan.
Mas mamamatean man an malipot na panahon sa pagabot naman kan Enero asin Pebrero.
Sa presente, maluya an hanging amihan sa nacion asin pinapagirumduman an gabos na tuyong wet season, pirmihang magdangog asin magantabay manungod sa kondisyon kan panahon.
