LEGAZPI CITY-Ipinaapod ni Department of Foreign Affairs (DFA) Secretary Ma. Theresa P. Lazaro si Chinese Ambassador Jing Quan ngani ipaabot an matinding pagtutol asin pagkahait kan Pilipinas sa nagin pahayag kaini kan Oktubre 15, 2026, na igwang pagbabanta kan paggamit nin puwersa sa nacion.
Ipighayag ni Lazaro sa embahador na an saiyang mga taramon, sarong provocative, bako katanggap-tanggap, asin orog pang nagpapalala sa tensyon sa pag’ultanan kan duwang nacion, imbes na makatabang sa pagbilog nin pagkakasararo asin kooperasyon.
Sa tahaw kan panibagong diplomatikong iriwal, sinierto ni Communications Undersecretary Claire Castro na nagtetenir na matatag an pangkalahatang relasyon kan Pilipinas asin China.
Tinawan doon man ni Castro na nagtetenir na nakatutok si President Ferdinand “Bongbong” Marcos Jr. sa paggamit nin diplomasya mantang padagos na ipinaglalaban an teritoryo kan nacion asin paghagad nin paninimbagan gikan sa Beijing.
