LEGAZPI CITY-Nakatalaang mag-atubang si Filipina tennis star na si Alex Eala sa nagkapirang pamilyar na mga kalaban niya sa Wuhan Open na isasagibo sa China.
Kasunod kan ginibong draw, igwa nin posibilidad na makahampang niya an Filipino-Canadian tennis star na si Leylah Fernandez asin world number 3 na si Jessica Pegula.
Si Eala hale sa sarong stint sa WTA 1000 event asin presenteng naghahalat kan saiyang kalaban sa enot na round.
An Filipina tennis star nakabugtak sa section 4, kun saen posibleng atubangon niya si Fernandez kun madaog sa huri si Ekaterina Alexandrova.
Si Eala asin Fernandez dati nang naglaban sa Round of 16 kan Mubadala DC Open, kun saen si Eala an nanggana sa iskor na 6-2, 7-6 (1).
Pwedisir man niyang atubangon an American star sa tennis—na iyo an ikaduwang seed kan torneo—sa ikatulong round.
Si Eala asin Pegula parehong igwang sarong gana asin sarong daog sa duwang pagkakataon na sinda naghampangan.
