LEGAZPI CITY-Labi sa P71 milyon na flood control project restitution money an ibinalik ni dating DPWH Bulacan District Engineer Henry Alcantara sa gobierno.
Huli digdi maabot na sa P181 milyon an kabilugang kantidad na naibalik sa gobierno makalihis an P110 milyon na pagbabalik kan Nobyembre.
Segun kay Prosecutor General Richard “Dong” Fadullon, may natatada pang balanse na P119 milyon hale sa kabilugang P300 milyon na ipigpromisa niyang ibabalik.
Pigsierto ni Fadullon asin kan Department of Justice na maibabalik an natatadang kantidad susog sa memorandum of agreement.
Nabanggit man niya na napatunayan na kan Land Bank of the Philippines an mga naenot na pagbabalik ni Alcantara, na ngonian nasa national treasury na.
Ipinaliwanag ni Fadullon na dai kinakaipuhan an kumpleto asin tulos na pagbabalik huli sa nagkapirang account an nasa irarom kan freeze order kan Court of Appeals, na nagpapaliban sa pag-access sa mga pondong ini.
Sinabi kan ahensya na kan nakalihis na semana, piglalaoman na maibalik ni Alcantara an nasa P200 milyon.
An restitusyon sarong kondisyon para sa pagsasaalang-alang sa Witness Protection Program (WPP) kan DOJ, kun sain si Alcantara, kaiba an mga dating opisyal kan DPWH na sina Roberto Bernardo, Brice Hernandez, asin Jaypee Mendoza, na presenteng nasa iratom kan “provisional acceptance” bilang “protected witnesses.”
