LEGAZPI CITY-Pigheras kan nasa 12 Micro, Small and Medium Enterprises an saindang mga lokal na produkto sa isinagibong Exciting Bicol Pastores 2025.
Segun ki Department of Tourism 5 Regional Director Herbie B. Aguas, sa intrevista kan Bombo Radyo Legazpi, na apat na dekada na ining pigseselerar kan rehiyon kun sain pigpapabisto an sadiring produkto kan mga Bikolano.
Pigpapahiling sa nasabing event an mga traditional na show asin tourism fare kun sain pig-iintrodusir an mga tourism products katuwang an ibang mga stakeholders.
Dugang pa kan opisyal na importante ini ngani ma-document an mga pigsasagibo kan ahensya halimbawa na an pagpapahiling kan mga festivals ngani maipaaram ini sa masunod pang henerasyon asin maipabarewas ini para sa mga namamanwaan.
Sinabi man kan opisyal na mantang may kadifisilan sinda huri sa manlain-lain na isyu siring kan kurapsyon, may mga nagbaba na arrival sa nagkapirang lugar sa rehiyon.
Alagda pigsierto man suboot kan saindang ahensya na liwat sa apektado an gabos asin sa mga nakalihis na kalamidad, nasa marhay man na kamugtakan an mga arrivals sa iba pang mga lugar siring kan Masbate asin Catanduanes.
Kadakol man an mga mawot pang makibale sa trade fair asin kadakol pang mga produkto an ilulunsar para sa mga apat pang mga probinsya sa rehiyon.
Ima-maximize man ninda sa masunod na taon an iba pang kulturang bikolano siring kan “diving culture” kun sain mawot nindang magin host asin makibale an iba pang nacion para sa pinagaantisiparang aktibidad.
