LEGAZPI CITY—Karsel an bagsak kan sarong persona sa ginibong buy-bust operation kan mga otoridad sa Barangay San Isidro Village, Virac, Catanduanes.
Binisto an suspek na sarong 25-anyos na lalaki asin residente kan nasambitang lugar.
Naarestar ini makalihis na madakop sa aktong pagpapabakal nin pigtutubudang shabu na may kabilogang gabat na nasa 50 gramos na nagkakantidad nin labi P350,000.
Ikinundusir an operasyon sa pinagsarong operatiba kan Virac Municipal Police Station, Regional Police Drug Enforcement Unit 5 asin Provincial Intelligence Unit Catanduanes.
Nasa kustodiya kan Virac MPS an suspek mantang pigsairarom sa laboratory examination an nakumpiskar na mga ebidensya.
Pigpreparar na man an magkakanigong kaso kontra sa suspek para sa pagbalgar sa Section 5 & 11, Article II kan Republic Act 9165 o Comprehensive Dangerous Drugs Act of 2002.
