LEGAZPI CITY-Pigsierto ni Senate President Tito Sotto III na ligtas an mga dokumento kan Senado makalihis na magkaigwa nin kasulo sa edipisyo kan Senado.
Segun kay Sotto na dai apektado kan kasulo an gabos na importanteng dokumento kan Senado kabale na an kapot kan Blue Ribbon Committee.
Ipinaabot na man suboot an insidente sa Bureau of Fire Protection (BFP) partikularmente sa opisina kan Legislative Technical Affairs Bureau.
Nagpoon an kasulo sa pag-kaaga ngonian na aldaw kun sain uminabot sa second alarm makalihis an kabangang oras.
Tulos man na nagresponde an mga firetruck asin fire volunteers ngani maapula an kasulo asin mailigtas an mga empleyado sa laog kan nasabing edipisyo.
Mientrastanto, idineklara man na fire out an edipisyo makalihis an haros duwang oras na operasyon kan mga otoridad.
Wara pa man na ipigpapaluwasa na report manungod sa mga nairidong indibiwal o sa kantidad kan mga danyos sa nasabing edipisyo.
Padagos man an pag-imbestigar kan mga otoridad kun ano an nagin kawsa kan kasulo asin pag-assess kan kadakulaan kan danyos.
