Luminangkaw na sa 10,000 an kumpirmadong kaso kan Ebola virus sa Democratic Republic of Congo segun sa gobyerno kasuodma, Oktubre 27.
Susog sa Ministry of Health kan Congo, nairehistro sa kasaysayan an pinakamarikas na paglangkaw sa siring na mga kaso na uminabot sa 10,060.
Haros kabanga kan mga kumpirmadong kaso an nagadan, na pigkokonsiderar na pinakamalala na outbreak sa kasaysayan kan Congo.
An nasabing outbreak na nagpoon kan nakaaging Mayo kawsa kan Bundibugyo virus, sarong variant nin Ebola na wara pang bakuna sa presente.
Aminado an gobyerno na napapagalan sindang labanan an paglakop kan helang huli sa mga raot na tinampo, armadong irirwal asin salang impormasyon.
Poon sa tolong provincia, naglakop na sa walong provincia asin 66 na health zones an naapektaran, mantang igwa man nin nairehistrong kaso sa Nigeria asin Kenya.
