LEGAZPI CITY-Pigkokonsidera kan World Health Organization (WHO) na saro sa pinakamatinding kaso kan Ebola sa historya kan Democratic Republic of Congo.
Basado sa pagtaya kan organisasyon, na igwang 3,605 na kaso kan Ebola sa nasabing nacion.
Uminabot na sa 1,587 na an nagadan kun sain igwang fatality rate na 44 percent.
An presenteng outbreak huli sa Bundibugyo strain na klase kan virus.
Ini an enot na naideklara kan Mayo 15, 2026 asin nalagpasan an pinakadakulang outbreak sa pagitan kan 2018 asin 2020 na igwang 3,500 na kaso asin 2,300 an nagadan.
Sa presente wara pang naaprubahan na bakuna o gamot para sa Bundibugyo strain alagad naggigibo na bagong bakuna an Singapore asin United Kingdom.
An ebola nagkakalat sa paagi kan contact sa bodily fluids kun sain kumitil na ini kan labi 15,000 katawo sa bilog na Africa sa laog nin haros 50 taon.
