LEGAZPI CITY-Sinabi kan Department of Foreign Affairs (DFA) na nasa proseso pa nin beripikasyon an pigrereport na pag-arestar kay dating presidential spokesperson Harry Roque sa The Netherlands.
Durante kan Senate plenary deliberations para sa 2026 Department of Foreign Affairs budget, pighapot ni Senate President Vicente Sotto III an ahensya manungod sa report na inaresto suboot si Roque.
Bilang budget sponsor kan ahensya, sinabi man ni Senador Imee Marcos na wara pang nareresibeng impormasyon hale sa The Netherlands an ahensya mapadapit sa insidente.
Segun man kay President Marcos na liwat nagluwas an mga bareta, pigbeberipika pa kan DFA an katotoohan kan report asin magpapaluwas man suboot sinda nin pahayag sa oras na makumpirmar na ini.
Mientrastanto, pinahimutikan man ni Roque an nagkakalat na balita na siya naarestar asin ipighayag niya na wara suboot ining katotoohan alagad malaya siyang nakakaluwas sa nasabing lugar.
Ipighayag niya man na nagsasairarom siya sa sarong operasyon asin may problema sa salud kun kaya dai nadagos an dlight niya pasiring sa Viena asin pabalik sa The Hague Netherlands.
