LEGAZPI CITY-Mapasiring ngonian na aldaw si President Ferdinand Marcos Jr. sa Singapore para sa limang aldaw na working visit sagkod Oktubre 11.
Katuyuhan kan nasabing pagbisita na mas mapararom an relasyon kan duwang nacin, orog na sa ekonomiya.
Sinabi ni Foreign Affairs Assistant Secretary Analyn Ratonel na mismong an Prime Minister asin Minister for Finance Lawrence Wong mismo an nag-imbitar sa Presidente na magbisita sa Singapore.
Importante suboot an pagbisita huli ta madali nang matapos an termino kan Pilipinas bilang ASEAN chair asin masunod man an Singapore.
An Pilipinas an magigin host kan 2026 ASEAN Summit poon Nobyembre 16-18.
Sa pagbisita ni Presidente Marcos sa Singapore, piglalaoman na maatender siya sa ika-24 na Forbes Global CEO Conference kun saen maibanan sinda kan nagkapirang mga pangenot na lideres kan negosyo sa Singapore asin pankinaban.
Digdi iheheras kan Presidente an mga prayoridad sa pamumuhunan asin ekonomiya para sa pag-uswag kan mga pangenot na sektor.
Mabisita man an Presidente sa Singapore Nuclear Research and Safety Institute.
