LEGAZPI CITY-Sinuspendir ni President Ferdinand Marcos Jr. an excise tax sa liquefied petroleum gas (LPG) asin kerosene makalihis na mag-abot sa US$99.41 kada bariles an average na presyo kan krudo sa Dubai.
Sa irarom kan Executive Order No. 125, an LPG temporaryong libre sa excise tax, afuera kun ginagamit bilang hilaw na materyales sa paggibo nin mga petrochemical products.
An suspensyon sakop mans an kerosene, afuera kun ginagamit sa aviation fuel.
An Development Budget Coordination Committee (DBCC) nagrekomendar kan lakdang pagkatapos na i-certify kan Department of Energy (DOE) na an average na presyo kan Dubai crude oil uminabot na sa US$99.41 kada bariles—basado sa Mean of Platts Singapore (MOPS)—sa laog kan nakaaging 30 aldaw.
An komite, kaiba an DOE, rerepasohon an suspensyon pagkatapos nin 15 aldaw asin sa bulanan na basehan pagkatapos kaini.
Pwedisir irekomendar kaini ki President Marcos an pagpapadagos, pagbago, pagpalawig, o pagtapos kan suspensyon.
Pinagbotan man an DOE asin an Department of Finance (DOF) na magsagibo nin imbentaryo kan eksistidong stocks kan LPG asin kerosene bago mag-epekto an orden.
