LEGAZPI CITY-Tinatsaran ni Senator Rodante Marcoleta an pahayag ni dating Department of Public Works and Highways UnderSec. Roberto Bernardo pagabot sa sa mga kongresista na suboot imbuelto sa kickback scheme siring ni dating Cong. Zaldy Co.
Pigkwestyon man ni Marcoleta an pakikiaram kan Department of Justice (DOJ) sa proseso kan komite kun sain nalilimitahan suboot an mga resource person na ipahayag an bilog na katotohanan.
Nilinaw man ni Prosecutor General Atty. Richard Anthony Fadullon na warang restriksiyon ipigtao an DOJ asin an anumang limitasyon sa mga testimoniya kan mga witness na presente sa Senate inquiry, an dai ninda ipigsugo kan ahensya kundi kan ley.
Marurumduman na saro si Bernardo sa nag-aplay na magin state witness sa irarom kan Witness Protection Program asin pigkokonsiderang “protected witness” kan DOJ makalihis ibuyagayag an suboot kickbacks sa flood control projects na nagdawit sa nagkapirang opisyales kan gobierno.
