LEGAZPI CITY-Ipig-sugo ni Land Transportation Office (LTO) Chief, Assistant Secretary Markus V. Lacanilao an pahahanda sa mga patrol car kan ahensiya ngani magtabang sa manlain-lain na humanitarian operations kasunod kan panrarapado ni Bagyong Uwan.
Segun kay Lacanilao, handang i-deploy an mga ini ngani magdara nin relief packs sa mga hararayong lugar.
Posible man suboot ining magamit ngani mag-escort sa mga truck na magdadara kan relief goods ngani masierto an makaskas asin ligtas na pagabot kan mga pangenot na tabang sa mga nasalantang komunidad.
Ipig-sugo man kan opisyal an paggamit sa mga behikulo sa pagebakwar kun kinakaipuhan asin pagtatao nin transportasyon asin suporta sa mga kagamitan siring man sa mga nagebakwar.
