LEGAZPI CITY – Naka-antabay na man an Provincial Government of Albay mapadapit sa epekto kan paghagupit ni Super Typhoon Uwan.
Segun ki Governor Noel Rosal sa intrevista kan Bombo Radyo Legazpi na may nareresibi na sindang report mapadapit sa mga ciudad asin banwaan na naka-eksperyensya nin mga pagbabaha partikulamente na sa third district.
Pwedesir man suboot na an kasing-kusog kan paros an namamatean sa primer distrito sa paros na namamatean man sa provincia kan Catanduanes na ngonian an nasa Tropical Cyclone Wind Signal no.5 na.
Huli man sa dakula asin kusog kan nasabing raot nin panahon an dae ninda pighahale an posibilidad na may nagkaturumba nang poste asin kahoy.
Pigdoon man kan opisyal na basado sa saindang latetst monitoring an wara man sindang nairehistrong dae piglalaoman na insidente.
Uminabot sa labi 73,000 na mga pamilya an nagtetenir sa mga evacuation centers sa manlain-laing parte kan provincia mantang nakasyerto na man suboot an saindang mga foodpacks na handang ibarewas sa mga residentes.
Padagos an saindang pagresibi nin mga reports mapadapit sa mga banwaan na hararani sa pamitisan kan Bulkang Mayon na posibleng maapektaran kan lahar flow.
Pagsyerto man ni Governor Rosal na pagkatapos kan paghagupit kan nasambitang bagyo sa rehiyon Bicol, eenuton nindang tatrabahuhon sa provincia kan Albay iyo an mga naapektarang kakalsadahan asin isusunod an supply kan kuryente.
