Dagos na binutasan kan House prosecution an tulo sa apat na Articles of Impeachment na ipigsunad kontra ki Vice President Sara Duterte.
Segun ki House lead prosecutor Gerville Luistro na solamenteng an Article II na sana an imamantenir o an alegasyon dapit sa dae maipaliwanag na yaman kan bise presidente huli sa dae pagdeklarar nin mga ari-arian asin dae pag-divest sa mga negosyo.
Sinabi ni Luistro na kumpiyansa sinda na nakapag presentar nin bastanteng ebidensya sa nasabing artikulo.
Kaibanan sa mga binutasan o dae na idadagos an an Article I o confidential funds, Article III o bribery, asin Article IV o grave threats katakod kan huma kaini kontra sa buhay ni Presidente Ferdinand Marcos Jr., First Lady Liza Araneta Marco, asin dating House Speaker Martin Romualdez.
