LEGAZPI CITY-Ipigkokosidera kan Albay Police Provincial Office an an pagtukdo sa mga security guards nin demolition exercises sa mga
eskwelahan enkaso igwang bomb threat.
Segun kay Albay Police Provincial Office Provincial Director Police Colonel Noel Donato Nuñez, sa intrevista kan Bombo Radyo Legazpi, na huli sa naireport kan sarong security guard sa Bicol University, an tulos sindang nagpadara nin Bomb Squad sa lugar kairiba man an Anti-Cyber Crime Group.
Dagdag pa kan opisyal na nagpoon an insidente kan magpadara nin mensahe sa messenger an sarong indibidwal huli sa
suboot dagit sa nasabing eskwelahan.
Alagad, piglinaw kan otoridad na warang nakatanom na bombo sa laog kan Bicol University kundi saro sana suboot ining pananakot hale sa sarong indibidwal.
Sinabi pa ni Nuñez na igwang awtomatikong criminal case para sa mga nagpapaluwas nin bomb threat.
Nagsagibo man suboot nin cyber patrolling para sa paglocate kan posibleng suspek sa bomb threat asin iba pang mga imbestigasyon sa paagi kan teknolohiya.
Presente man na bubuksan giraray an face-to-face classes sa unibesidad ngonian na aldaw.
Abiso kan otoridad sa school administarion na ingatan an saidang mga estudyante asin paratukdo asin enkaso igwang siring na insidente an tulos na ireport sa mga kapulisan.
