LEGAZPI CITY-Ipigheras kan Top notcher gikan sa Bicol University sa 2026 Psychometrician Licensure Examination an saiyang mapangganang trayumpo.
Segun ki Top notcher (Rank 1) Caithlin De Los Santos, sa nakalihis na 2026 Psychometrician Licensure Examination, sa eksklusibong intrevista kan Bombo Radyo Legazpi na nagtao saiya nin adal an OJT kun sain na-assign siya sa DSWD-Children and Conflict with the Law, na an piggigibong tranaho, iyo an pagtabang sa mga indibidwal.
Sinabi man niya na importante na rumdumon sa kursong ini kun papano makakatabang, orog na sarong helping profession-na maski anong kadifisilan, kaipuhan panghugutan an mismong motibasyon para sa kurso.
Bako man suboot madali an saiyang pagpili kan kursong ini, huli ta nagabot man sa saiyang buhay an pagkwestyon sa sadiri kun nababagay ba ini sa saiya, alagad, ini nag-abot suboot sa punto na mawot niya na ini huli ta nag-eenjoy siya sa pag-aadal kan kurso, kaya mas pinagtuunan niya ini nin pansin.
Nagin interesado man suboot siya na madangog an mga istorya kan mga tawo asin masabutan sinda.
Pinaka-paborito man niya an subject na ‘Abnormal Psychology’ na saro sa board courses kun sain pinag-aadalan an mentalidad asin kondisyon kan mga tawo, mantang nadifisilan man suboot siya sa ‘Anatomy and Psychology’ huli sa sandamakmak na memorization.
Sa presente, mawot ni De Los Santos na naka-align an saiyang futuro sa Clinical Psychology asin nagpagirumdom man siya sa mga mawot agihan an kursong ini asin mag-exam, na magsalang sa mga organisasyon sa mga eskwelahan o unibersidad ngani maeksperyensyahan an profession.
