Pigkontra kan Makabayan Bloc sa Kongreso an resolusyon kan Senado na nangangapudan sa International Criminal Court (ICC) na ibugtak sa house arrest si dating Presidente Rodrigo Duterte.
Susog sa grupo, bako ini makatawong lakdang kundi sarong pagporbar na pagtakpan an mga krimen ni Duterte katakod kan rinibong extra-judicial killings sa irarom kan war on drugs.
Inapod ni Rep. Antonio Tinio an resolusyon bilang “panlilinlang sa hustisya,” mantang ipigdoon ni Rep. Renee Louise Co na ini an “political maneuver” nganing protehiran si Duterte asin an saiyang mga kaalyado.
Sinabi man ni Rep. Sarah Elago na ini insulto sa mga pamilyang nawaran nin padangat sa buhay.
Tinuyaw man ninda an pagpartisipar ni Senador Ronald “Bato” dela Rosa sa resolusyon, na binisto sa ICC bilang posibleng kasabwat sa mga krimen.
Nangapudan an Makabayan Bloc sa ICC na ipadagos an kaso laban ki Duterte asin ipigdoon na an house arrest an insulto sa mga biktima kan panggagadan.
