Inaprubaran na kan Senado an sarong resolusyon na nag-engganyar sa International Criminal Court (ICC) na tawan nin house arrest si dating Presidente Rodrigo Duterte.
Sa botong 15 pabor, 3 an kontra asin duwa an abstain an inprubaran an Senate resolution 144 na isinunad ni Sen. Alan Peter Cayetano.
Kaiba sa mga nagboto nin “No” sinda Senator Risa Hontiveros, Bam Aquino asin Kiko Pangilinan mantang nag-abstain sinda Senate President Tito asin Sen. Raffy Tulfo.
Sa irarom kan resolution, pig-engganyar kaini an ICC na isairarom sa house arrest si Duterte huli sa humanitarian reason asin huli na man sa edad kaini.
Nakabugtak pa sa resolusyon na dapat magtalaga nin doktor o medical doctor na masuri kun kakayanon pa kaining magtenir sa kulungan.
En kaso man na magluwas sa pagsusuri kan mga doktor na an padagos na pagkakarsel ni Duterte an nagpapalala sa saiyang kondisyong medikal, an pig-engganyar kan Senado an ICC na an dating presidente an magsairarom sa house arrest.
