LEGAZPI CITY—Nakumpiskar an nasa pocomas o menos na P435,000 na kantidad nin pigtutubudang shabu sa ikinundusir na operasyon kan mga otoridad sa Barangay Pating, Masbate City.
Binisto an naarestar na suspek na pigkonsiderar na High-Value Individual na si alyas “Bebe”, 32-anyos, lalaki, warang agom, sarong construction worker asin residente kan nasambitang barangay.
Mantang pighahanap pa an kaiba kaini na si alyas “Lotti”, nasa legal na edad, babae asin kaiba sa listahan nin Street Level Individual.
Nakumpiskar sa suspek an 38 na heat-sealed transparent plastic sachet na pigtutubudang shabu, na pigkarkulong may gabat na 64 gramo asin may standard drug price na P435,200.
An suspek naarestar sa pinagsarong operatiba kan Masbate Police Provincial Office (lead unit)Provincial Intelligence Unit – Provincial Police Drug Enforcement Unit, Masbate City Police asin 502nd Regional Mobile Force Battalion 5.
Mahahampang an suspek sa sarong pagbalgar sa Republic Act 9165 o Comprehensive Dangerous Drugs Act of 2002.
