Gadan an mag-agom asin an saindang otso anyos na aking lalaki makalihis na magkabanggaan an truck asin bus sa Barangay Bued, Calasiao, Pangasinan.
Nakaligtas sa insidente an tres anyos na aking lalaki kan mag-agom.
Basado sa CCTV footage, nag-overtake an truck na piglulunadan kan mag-agom asin kan saindang duwang aki sa sinusundan nindang tricycle hasta sa napaduman na sa ibong na gilid kan tinampo.
Eksakto man na may nagdadangadang na bus na nagin rason kan pagkabanggaan kan duwang behikulo.
Huli sa kusog kan banggaan, nag-atras an trak asin narumpag an enotan kaini.
Nagtarabangan man an mga rescuers hale sa Calasiao, Dagupan, asin an Provincial Disaster Risk Reduction and Management Office (PDRRMO) nganing makaluwas sa truck an pamilya.
Saro pang aki kan mag-agom, an drayber kan bus, asin pito sa mga pasahero kaini an nairido sa insidente.
