Ipigdoon ni Vice President Sara Duterte na dapat manimbag si Presidente Ferdinand Marcos Jr. asin mga miyembro kan Kongreso sa pagpasar kan mga pambansang badyet para sa 2024 asin 2025, siring man sa pirang probisyon kan 2026 General Appropriations Act (GAA), na idineklarang unconstitutional kan Supreme Court (SC).
Kasunod ini kan desisyon kan Korte Suprema na kumuwestiyon sa mga iregular na paglangkaw sa unprogrammed appropriations na naglagpas sa propwestong budget kan Presidente.
Sa irarom kan ruling, idineklarang unconstitutional ang ₱449.5 bilyong dugang sa unprogrammed appropriations sa 2024 budget, an kadugangang ₱17.99 bilyon para sa Special Road Fund kan Department of Public Works and Highways (DPWH) sa 2025 budget, asin pirang probisyon mapadapit sa unprogrammed appropriations sa 2026 GAA.
Segun ki Duterte, dapat ipaliwanag ni Marcos kun nata niya pinirimahan an mga badyet na dae nagtutugma sa National Expenditure Program (NEP) na isinumiter kan saiyang administrasyon.
Mientrastanto, sinabi kan Malacañang na masunad ini nin motion for reconsideration nganing hagadon sa Korte Suprema na liwat na surion an ang desisyon. Ipigdoon man kan Palasyo na nagsunod sana an Presidente sa nag-iiral na mga patakaran asin ley.
