The National Historical Commission of the Philippines conducted a commemorative program at the libingan ng mga bayani in conjunction with the celebration of National Heroes Day today.

LEGAZPI CITY – Nagsagibo nin commemorative program an National Historical Commission of the Philippines sa libingan ng mga bayani katakod kan pagselebrar ngonian kan National Heroes Day.


Segun ki National Historical Commission of the Philippines Historical Sites Researcher Eufemio Agbayani III sa intrevista kan Bombo Radyo Legazpi na pig-aalokar an nasabing holiday nganing matawan honra an iba pang mga bayani kan nacion asin magseserbi man na panahon nganing pag-isipan an isinakripisyo kan satuyang mga ninuno asin kababayan na ipaglaban an kalayaan.


Mawot nindang i-highlight sa saindang pagkomemorar ngonian an kabayanihan kan mga ordinaryong pilipino huli ta dae man ninda ini magigibo kun warang kaiba sa pagseserbi asin pagtabang sa namamanwaan.


Narisa man suboot ninda an nagdadakulang partisipasyon kan mga Local Government Unit sa pagkomemorar kan mga herowe sa nakaagi asin presenteng panahon makalihis an kasuguan kan Department of the Interior and Local Government sa pagdidisplya kan watawat kan Pilipinas sa mga ofisina kan Gobierno.


Pigdugang pa kaini na padagos an saindang pag-produsir nin mga online materials nganing makisumaro an publiko maski naghihiling sana an mga ini kan saindang mga videos sa saindang mga kahaorangan.


Punto man niya na bako si Jose Rizal o maski si Andres Bonifacio an pigkokonsidera na National Hero huli ta base sana sa pangaran kan holiday an pigtatawan nin honra asin pagbisto kan taumbayan an pig-aapod nang Pambansang Herowe.


Taon taon man nindang pigpaplanuhan kun pano magigin imbwelto an mga jovenes asin taumbayan sa pagselebrar kan National Heroes Day asin iba pang holiday katakod kan mga kasaysayan kan Pilipinas.


Pagirumdom ni Agbayani sa publiko na an kabayanihan an bako sana exclusive sa mga maluluya asin magayon sa masaliksik an mga historya asin mga bayani sa mga kaniya-kaniyang rehiyon nganing mabisto an saindang kontribusyon sa kalayaan kan Pilipinas.