LEGAZPI CITY – Napansin kan sarong political science professor na talagang may anomalyang nangyari sa ipigsagibong flood control projects makalihis an imbestigasyon kan Senate Blue Ribbon Committee.
Segun ki Bicol University-Political Science Department and Far Eastern University Prof. Amr Solon Sison sa intrevista kan Bombo Radyo Legazpi na mahihiling na sa participation pa sana kan mga contractor sa imbestigasyon an pito sana an nagpahiling.
Nagtutubod siyang may kwestyonableng proyektong nangyari urog nang naenot nang sinabi ni President Ferdinand Marcos Jr. na haros P545.64 billion an napaduman sana sa maabot 15 contractor asin an iba sa mga proyekto an ginamitan nin substandard na mga materyales.
Makahandal man suboot an pagtuga ni Department of Public Works and Highways (DPWH) Secretary Manuel Bonoan na igwa talagang mga ghost projects sa pirang distrito sa Bulacan huli ta para saiya parte kan sustainability kan Disaster Resilience Program kan Pilipinas an mga flood control projects.
Pigpunto man kan naunambitang professor na nahihiling sana kan gobierno an mga siring kaining katiwalian kun nadadanyaran an sarong lugar kan mga kalamidad arug na sana kan mga pagbabaha ngonian na habagat asin typhoon season.
Magigin magayon na basehan para sa pag-krear nin polisiya sa kun paano an pagpapalakad sa siring kaining programa kun mapatunayan kan senado na may pagkukulang an mga contractor pati na man an mga government officials na kasabwat ninda.
Bilang political analyst, okay na siya sa pahayag kan mga resource person sa nasabing hearing asin naglalaom siya na magpartisipar na an gabos na mga contractor sa masunod na hearing asin dae na ninda paggamiton an mga rason na nagtravel o nagkahelang huli ta mas lalo sana ining nadodoon sa saindang katiwalian.
Piglalaoman man ni Sison na sa paagi kan Senate Blue Ribbon Committee hearing an maruluwasan pa an mga problema kan mga depektong flood control projects asin mga proyektong napaduman sa mga lugar na dae man kaipuhan nin flood control.
