Ipig-orgulyo ni Presidente Ferdinand Marcos Jr. na an Pilipinas an nakakuwa nin pinakahalangkaw na marka sa Programme for International Student Assessment (PISA), na suboot patunay kan pag-uswag kan sistema kan edukasyon sa nacion.
Basado sa PISA 2025 results kan Organisation for Economic Co-operation and Development (OECD), naglangkaw an marka kan Pilipinas sa tulong pangenot na lado kumparar kan 2022.
Uminabot sa 373 an science, 371 sa mathematics asin 367 sa reading.
Katumbas ini nin 17 puntos sa science, 16 sa mathematics asin 20 sa reading.
Segun ki Presidente Marcos na kaibanan an Pilipinas sa pinakamarikas an pagtalubo sa education systems sa kinaban, urog na sa pagbabasa.
Naglangkaw man an porsyento kan mga 15-anyos na estudyanteng uminabot sa minimum proficiency level, hali sa 24% kan 2022 an nagin 31% sa reading; hali sa 16% pasiring sa 24% sa mathematics; asin hali sa 23% an nagin 32% sa science.
Sinabi kan presidente na resulta ini kan pagtatarabangan kan mga estudyante, mga paratukdo, magurang, komunidad aisn kan gobierno.
