Sasabaton ni Presidente Ferdinand Marcos Jr. si Polish President Karol Nawrocki sa sa pagbisita kaini sa Pilipinas puon Oktubre 5 hanggang 8, 2026.
Ini an pinaka enot na pagbisita sa Pilipinas kan sarong Polish head of state asin pinaglalaoman na magpapakusog sa relasyon kan Pilipinas asin Poland.
Tutukaron kan duwang lider an mga oportunidad sa kooperasyon sa depensa asin seguridad, kalakalan, pamumuhunan, agrikultura, agham asin teknolohiya, information and communications technology, legal cooperation, turismo, asin people-to-people exchanges.
Pag-oolayan man ninda an mga isyung pangrehiyon asin pangkinaban na parehong igwang interes an duwang nacion.
Nabilog an diplomatikong relasyon kan Pilipinas asin Polan kan Setyembre 22, 1973.
Basado sa datos kan 2025, ika-28 na pinakadakulang trading partner kan Pilipinas an Poland.
Pigkakarkulo na nasa 25,000 Pilipino an nagtetenir sa Poland, na urog pang nagpapakusog sa koneksyon kan duwang nacion.
Kaibanan sa mga lakdang sa pagpapakusog kan relasyon kan duwang nacion an enot na naging meeting kan Philippines-Poland Defense Cooperation Committee sa Warsaw kan Hulyo 2026 asin iika-7 Political Consultations sa Maynila kan Setyembre 2026.
Nagbali man an Poland sa ASEAN Treaty of Amity and Cooperation, kaibanan an Lithuania, Romania asin Sweden.
