Ipigsugo kan Commission on Audit (COA) an pagsasagibo nin fraud audit sa mga proyekto kan flood control kan Department of Public Works and Highways (DPWH) sa Bulacan na nagkakantidad nin P44 billion, makalihis an mga isyung ibinuyagyag ni Presidente Ferdinand Marcos Jr.
Naobserbaran na sa kabilogang P548 billion pondo para sa flood control sa bilog na nacion, pinadakula an napaduman sa Central Luzon (P98-B), kun saen an Bulacan an pinakadakula sa rehiyon.
Susog sa COA memo kan Agosto 12, tulos na pinapa-audit an imbestigasyon huli sa mga nasabing isyu ni Presidente Marcos.
Ipigsugo man an mga distrito kan DPWH sa rehiyon na magsumiter tulos nin mga dokumento para sa gigibohong audit.
Enot digdi, ipighayag kan Presidente kan Agosto 11 na an Bulacan an may pinadakol na flood control projects na may 668 projects, alagad nagtetenir man liwat ining kaiba sa mga lugar na labing pigbabahang provincia basado sa National Adaptation Plan kan 2023–2025.
Pigpapaliwanag man ni PBBM an Timothy Construction Corporation makalihis na personal na ininspeksyon kaini kan Agosto 15 an sarong proyekto sa Calumpit, Bulacan, kun saen nadiskubreng dae pa tapos an river protection structure sa ibong kan report na ini an natapos na kan Pebrero 2023.
 has ordered the conduct of a fraud audit on the flood control projects of the Department of Public Works and Highways (DPWH) in Bulacan worth P44 billion, following issues revealed by President Ferdinand Marcos Jr.){kind=link}