LEGAZPI CITY-Pinahimutikan ni Department of Public Works and Highways (DPWH) Secretary Vince Dizon an mga report na liwat siyang maserbi bilang Secretary kan Department of Transportation (DOTr).
Nagluwas an mga report na magkakaigwa suboot nin paglilipat nin posisyon sa pag-ultanan ni Dizon asin kan presenteng Acting DOTr Secretary na si Giovanni Lopez.
An suboot cabinet reshuffle ikinonektar sa koneksyon ni Dizon ki Senador Alan Peter Cayetano.
Alagad, binasura ni Dizon an mga ini bilang fake news, na nagsasabi na wara siyang naresibe na impormasyon manungod sa anuman na siring na pagbabago sa mga posisyon.
Nagpahayag man si Dizon kan saiyang preparasyon na magserbi sa anuman na kapasidad na ipinagkatiwala saiya kan gobierno.
Si Dizon dati nang nagsirbe bilang DOTr Secretary antes siya nanombrahan bilang DPWH Secretary.
