LEGAZPI CITY—Mabilog nin ‘Master Flood Control Plan’ an terser distrito kan Albay makalihis an mga naeksperyensyahang pagbabaha sa Barangay Masarawag, Guinobatan, Albay.
Segun ki 3rd District Representative Chief of Staff Dr. Cedric Daep, sa intrevista kan Bombo Radyo Legazpi, haloy nang pigplano an nasabing lakdang na kun saen nakikipagkoordnar na sinda sa Mines and Geosciences Bureau nganing makua an flood map sa lugar.
Sunod digdi an pakikipagkoordinar sa Albay 3rd District Engineering Office nganing maplano na an mga existing projects and gaps na pagbabasehan sa master flood control plan kan terser distrito kan nasabing provincia.
Afuera digdi, pigbuhay liwat suboot ni Albay 3rd District Rep. Adrian Salceda an Bicol River Basin Development Program sa Kongreso na kun saen pwedesir suboot ining ma-reconcile asin nganing mapag-adalan na.
Segun saiya na ma-reconcile an saindang opisina magin an ibang ahensya siring kan Department of Public Works and Highways (DPWH) asin Department of Science and Technology (DOST) nganing mabilog an master flood control plan.
Sinabi man kan opisyal na bako sana an flood control an saindang plano kundi pati na man an mitigation, restoration, asin iba pa.
