Padagos an paglaom kan Makabayan bloc na dadangogon kan Korte Suprema an saindang mga isinangat na mosyon manungod sa kasong impeachment laban ki Bise Presidente Sara Duterte.
Maski nakasararo an mga mahistrado kan Korte Suprema na dai na ipadagos an kaso, nagtutubod an grupo na posible pa man giraray na baliktadon ini asin igwa nin paglaom na mabaliktad an saindang desisyon.
Sa sarong joint motion for reconsideration asin motion to intervention, hinagad kan Makabayan bloc sa Korte Suprema na konsiderahon giraray an deklarasyon, asin midbidon na bako labag sa konstitusyon an mga iprinesentar na articles of impeachment.
Segun ki dating ACT Teachers Party-list Representative France Castro na naglalaom sinda na matatawan nin hustisya asin dadangogon kan Korte Suprema an saindang apela.
Siring man an kamawotan kan Kabataan Party-list Representative Renee Co na saro man sa mga nagsangat kan mosyon.
Importante suboot na repasuhon asin konsiderahon liwat kan Korte Suprema asin kan Senado an desisyon ngani na maseguro an hustisya asin tunay na serbisyo sa nasyon.
An Makabayan bloc, sarong progresibong grupo sa Kongreso, nagpapadagos kan saindang paninindugan kontra sa mga isyung pigkokonsidera kaining may kinaaraman sa mga pagbalgar sa Konstitusyon asin sa mga mandato kan mga opisyales kan gobyerno.
