LEGAZPI CITY-Na-rescue an 17 parasira na nahiling harani sa Bajo de Masinloc makalihis na maraot an pigsasakayan kaini na floating log na propeller kaini.
Segun kay PCG Spokesperson for the West Philippine Sea Commodore Jay Tarriela, na nakatanggap nin signal an BRP Teresa Magbanua hale sa FB Cassandra mapadapit sa sarong fishing vessel kan Huwebes nin pagkaaga.
Tinawan doon man ni Tarriela na urgent an rescue operation huli sa nasa laog kan expected drop zone kan rocket launching kan China an nasambitang fishing vessel.
Tulos man na nagsagibo nin towing operation an PCG dawa makusog an paros asin haralangkaw an alon na haros nasa 6ft.
Naabot na man kan BRP Teresa Magbanua an katubigan sa parte kan Mariveles, Bataan kung sain inilipat an towing line sa tugboat na TB Lucida ngonian n aaldaw.
Segun pa kay Tarriela, nagsagibo man nin initial health assessment an medical team kan BRP Teresa Magbanua sa mga parasira kung sain napagaraman na saro sa mga narescue igwang hypertensive condition n atulos tinawanan nin medikal na atensyon.
