Pig-enganyar ni National Bureau of Investigation (NBI) Director Jaime Santiago si alyas Totoy na pangaranan an personnel kan ahensiya na suboot may kinaaraman sa pagkawara kan kadakol na mga sabungero.
Enot nang sinabi kan kontrobersyal na whistleblower an suboot pagkaka-imbwelto kan pirang personnel kan NBI, sa isyu kan missing sabungero, kabale an mga pulis, asin pirang darakulang personalidad.
Pagdoon ni Dir. Santiago na dae makakapoon kan kaso kun warang mga partikular na pangaran o identidad.
Kun manigar suboot si alyas Totoy na magtaram nin pangaran, syerto na dae ini maiimbestigaran asin gabos na mga personnel kan NBI an ikokonsidera na bilang mga suspek sa nasabing krimen.
Enot nang nagpahayag an NBI nin kahandaang tumabang sa nag-uusad na imbestigasyon na papangenotan kan Philippine National Police (PNP) asin Department of Justice (DOJ).
Segun kay Santiago, handa man an ahensiya na magsagibo nin forensic procedures arug kan DNA testing, lie detector test, asin iba pang proseso nganing makatabang sa pag-aram sa katotohanan sa likod kan mga ibinuyagyag ni alyas Totoy.
Enot na mang tinuga ni PNP chief PGen. Nicolas Torre III na nasa kostudiya na kan pulisya an kontrobersyal na whistleblower poon pa kan siya an hepe kan Criminal Investigation and Detection Group (CIDG).
 Director Jaime Santiago encouraged alias Totoy to name the personnel of the agency who are allegedly involved in the disappearance of many sabungero.){kind=link}