Kinumpirma ni Senator Robin Padilla na naresibe kaini an subpoena hali sa Department of Justice (DOJ).
Ini an may kinaaraman man liwat sa preliminary investigation sa suboot pagtabang kaini na makatakas sa Senado si Sen. Ronald “Bato” Dela Rosa kan Mayo.
Pigpapa atendir kan DOJ si Padilla asin dapat na magsumiter nin counter-affidavit sa Setyembre 25 asin Oktubre 9 huli sa reklamong obstruction of justice kontra saiya.
Marurumduman na huring nahiling si Dela Rosa na nag-atendir sa session kan Senado kan Mayo 13 alagad nagtakas ini kan Mayo 14 makalihis an pagkakaigwa nin putukan sa laog kan Senado.
Inako ni Padilla na nakisakay saiya paluwas nin Senado si Dela Rosa.
Si Dela Rosa an igwang warrant of arrest hali sa International Criminal Court huli sa papel kaini bilang dating hepe kan Philippine National Police (PNP) kan magpaotob nin war on drugs si dating Presidente Rodrigo Duterte.
