Idinepensa kan National Food Authority (NFA) an pag-angkat nin bagas hali sa ibang nacion asin sinabing makakatabang ini ngani na maibitaran an kakulangan nin bagas sa nacion.
Sinabi ni NFA Adminstrator Larry Lacson, na an rice importation plan an ipigbubusol kan mga private rice industry stakeholders group.
Nilinaw kaini na warang anumang papel an gobierno dapit sa nasabing orolay.
Dugang pa kaini na warang permit na nag-agi sainda asin dae sinda nag-iimport nin bagas.
Marurumduman na kan nakalihis na semana kan inanunsyar kan Philippine Rice Industry Stakeholders Movement (PRISM) na igwa sindang pinirmahan na kasunduan kan USA Rice ngani na tugutan an paglaog kan bagas hali sa Estados Unidos puon sa 2027.
