Dae na nagtao nin komento an Palasyo kan Malakanyang katakod kan propwesto ni Senator Ping Lacson na magdesignar nin designated survivor an Presidente.
Segun kay Palace Press Officer USec. Claire Castro, sa presente wara pang pahayag dapit digdi si Presidente Ferdinand Marcos Jr.
Sa ibong kaini an sinabi ni Castro na mas makakamarhay kun bilugon muna an mga probisyon kan propwestong ley nganing magin malinaw ini.
Pagdoon kan Palace Official na mapagal kaya suboot na magtugot o mag-abo kun dae nalalatag an kabilugan kan propwestong ley.
Pag aadalan man suboot ini kan presidente enkasong maipasa ini sa duwang kapulungan kan kongreso.
Sa irarom kan propwesto ni Lacson, madesignar an presidente nin sarong miembro kan gabinete na dadarahon sa sikreto asin salbadong lugar asin babantayan kan psc, kapag magkakaiba sa sarong pagtitipon arug kan sona an presidente, bise presidente, senate president, house speaker asin gabos na iba pang nasa line of succession.
