Pinahimutikan ni Presidente Ferdinand Marcos Jr. an akusasyon ni Vice President Sara Duterte na an saiyang administrasyon an nasa likod kan mga alegasyon na obhetong rautan an bise presidente, asin inagyat ini na maglatag nin ebidensya.
Hinapot an presidente dapit sa akusasyon ni Duterte na may kinaaraman an administrasyon sa mga pahayag ni Rodulfo Gracioso Jr., na sarong sinibak na pulis na pigka klamar na naghatod siya nin dakulang kantidad nin kwarta sa bise presidente asin sa mga miyembro kan pamilya kaini.
Tinawan duon kan presidente na kaipuhan na mailatag muna an ebidensya asin matukoy an katotoohan antes gumibo nin kongklusyon dapit sa mga alegasyon kontra sa siisay man na opisyal kan gobierno.
Sinabi man ni Marcos na dae niya marhay nasusubaybayan an mga isyung pampolitika na pigkaka imbweltuhan ni Duterte, kaibanan an impeachment proceedings, huli ta nakatuon siya sa pag-otob kan saiyang mandato bilang presidente.
Nilinaw man niya na bako si Duterte an pigtutukoy niya kan gamiton an tataramon na “buwaon,” na nangangahulugang utikon.
Reaksyon suboot ini sa propuestong amyendaran an Konstitusyon ngani na kanselaron an pirilian.
Kan haputon kun nata ipigpresentar ni Palace press officer Claire Castro an pahayag bilang reaksiyon kontra ki Duterte, sinabi ni Marcos na garing nagkaigwa sana nin dae pagkakasinabutan dapit sa saiyang komento.
Segun sa presidente, bako para sa publiko o bilang opisyal na pahayag kan Malacañang an saiyang naging reaksyon.
