Sinabi kan Malacañang na dae dapat isawalang-bahala an alegasyon ni dating Sen. Antonio “Sonny” Trillanes IV na nagresibe suboot nin kwarta hali sa Chinese government si Vice President Sara Duterte.
Segun ki Palace Press Officer Undersecretary Claire Castro, dapat ining seryusohon kun igwang bastante na ebidensta na nagsusuporta sa alegasyon, urog pang posible ining maging orolay na kan pambansang seguridad.
Sa ibong kaini, sinabi ni Castro na wara pang ipigpapaluwas na impormasyon an administrasyon sa ngunyan an dapat munang mapatunayan an alegasyon.
Tinawan duon ni Castro na kun mapatutunayang may public official na nagresibe nin kwarta hali sa dayuhan karibay kan pagtalikod sa interes kan nacion, magiging seryosong orolay ini kontra sa banwaan.
Sinabi man ni Castro na kaipuhan na manimbag an siisay man na mapapatunayan na nagkokunsinte o nakikipartisipar sa nasabing aktibidad.
