LEGAZPI CITY – Pig-oorgulyo kan provincia kan Albay an pagigin awardees kan apat na entries sa National Gawad Saka Awards.
Segun ki Albay Provincial Assistant Agriculturist Daryl John Buenconsejo intrevista kan Bombo Radyo Legazpi na pighiling kan mga hurado an mga programa kan sarong banwaan o provincia, mga plano asin implementasyon kan pagpromotir kan agriculture asin fisheries sector.
An nasabing honra an pigkokunsiderar suboot ninda pinaka-prestihiyosong honra huli ta ipigtatao ini kan Department of Agriculture.
May mga category na pigbalehan an mga organization asin LGU kan provincia an maresibi nin national award iyo an Ligao City para sa Outstanding City Local Government Unit, lokal na gobierno kan Polangui para sa Outstanding Municipal Local Government Unit, siring man an Provincial Agricultural and Fishery Council Albay para sa Outstanding Agricultural and Fishery Council asin Obligacion Family gikan sa Ligao City para sa Outstanding Farm Family category.
Pigtaram pa kan opisyal na nagpapahiling ini na aktibo an mga Albayano sa pagsuporta asin pagpapauswag kan sektor kan agrikultura asin pagsisira.
Sa presente, wara pang detalye na ipigpapaluwas an Office of the President mapadapit sa petsa asin venue kan awarding ceremony alagad kalimitan suboot ining pigsasagibo sa Palacio de Malacañang.
Nagpasalamat man ini sa mga nagtabang huli ta bako suboot karaw an pig-agihan kan mga organisasyon asin mga lokal na gobierno nganing maiuli an national award.
Pagsyerto man ni Buenconsejo na mas dakol pa an mga ilalaban na mga entry kan provincia sa masunod na taon huli sa magayon na kinaluwasan sa Gawad Saka Awards 2025.
