LEGAZPI CITY – Preparado na an Philippine Drug Enforcement Agency Albay enkaso may nanotarang magpalataw pataw na kontrabando sa mga kadagatan.
Segun ki PDEA Albay Provincial Director Noe Briguel sa intrevista kan Bombo Radyo Legazpi na katabang ninda an mga manlain-laing law enforcement agencies nganing masawata ini.
Pigtuga niya na padagos an pagdakol kan mga mararaot na elemento na nagpapalakop kan mga ilegal na droga sa enterong nacion.
Dae suboot sinda mapundo sa saindang inisyatiba na mapugo an sisay man na maporbar na maglaog nin mga kontrabando sa rehiyon.
Pigtaram pa kan opisyal na makahandal an mga serye kan mga kontrabandong nadidiskubre sa mga kadagatan sa manlain-laing parte kan nacion.
Huli kaini an nakipag-koordinar na man sinda sa mga parasisira sa enterong provincia nganing tulos na makipag-koordinar sainda enkaso may mahiling sa mga kadagatan na nagpapalataw pataw na bagay na kapareho kan nangyari sa northern Luzon.
Paglilinaw niya man na dae maaaraman kan siisay man an identidad kan nagsumbong para man sa kaligtasan kaini.
Pangapodan ni Briguel sa gabos na magtabangan asin dae magpabaya nganing mapugulan an paglaog asin pagdakol kan kontrabando sa provincia kan Albay.
