LEGAZPI CITY-Ilinubong suboot sa Taal Lake an 34 na parabulang na apat na taon na nawawara, segun sa pahayag kan sarong suspechado.
Sa sarong intrevista kay alyas “Totoy” sinabi kaini na ginadan an mga biktima sa paagi nin pagsakal gamit an wire. Piglinaw kaini na an gabos na parabulang nadakop na nagdadaya sa kawat.
Sinabi niya na huli sa mga pananakot sa saiyang pamilya, nagdesisyon siyang magtaram asin nangako na ihahayag an tunay na utak kan panggagadan.
Sinambit man kaini na igwang mga drug lord na kasabay ilinubong sa Taal Lake.
Napag-araman na an anom na security guards na kabale sa mga nawawara iyo sinda Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, asin Roberto Matillano Jr.
Padagos an imbestigasyon kan Department of Justice asin kan Philippine National Police para sa paglilitis sa mga suspek.
