Target kan Department of Justice (DOJ) na matapos nin hasta duwang semana an saindang pag-aadal sa mga dokumento na may kinaaraman sa kahagadan kan US na pag-extradite kay Kingdom of Jesus Christ founder Apollo Quiboloy.
Segun ki DOJ Secretary Fredderick Vida, na tinawan prayoridad an “voluminous” extradition documents ngani na mapunuan an extradition treaty obligation kan nacion sa Estados Unidos.
Dugang pa niya na pinag-aadalan nin marhay an gabos asin maagi sa tamang proseso.
Makalihis an duwang semana, isasalang tulos ini para sa pagsusunad nin petisyon sa korte.
Marurumduman na kan bulan nin Agosto pormal na hinagad kan US an extradition para kay Quiboloy makalihis na maduon sa federal case sa California kan 2021.
Nahahampang ini sa suboot sex trafficking by force, fraud asin coercion, sex trafficking of children, substantive sex trafficking asin cash smuggling.
Naarestar si Quiboloy kan 2024 sa Davao City huli sa kasong human trafficking asin child abuse.
