LEGAZPI CITY-Nasa Pilipinas na si US President Donald Trump para sa pagatendir kaini sa 49th ASEAN Summit.
An Pilipinas an enot na nacion sa saiyang tulong aldaw na pag-biyahe sa Asya.
Huring nagdalaw si Trump sa Pilipinas kan enot niyang termino kan taong 2017.
Pasado ala-singko nin hapon ngonian na aldaw nin Martes, Nobyembre 17, kan maglapag sa Villamor Airbase sa Pasay City.
Sinalubong siya kan banda asin nagkapirang opisyal kan gobierno sa pamamayo ni Ilocos Norte Representative Sandro Marcos.
Pinakapotan man saiya an bandera kan Estados Unidos asin kan Pilipinas na saiyang winagayway.
Nag-ugong man an tugtog kan banda na paborito niyang kanta na “YMCA” kan grupong Village People.
Makalihis ini naglunad siya sa saiyang “Marine One” helicopter ngani makipagolay sa mga lider kan India, Japan, asin Australia bilang miembros kan Quadrilateral Security Dialogue (QUAD).










