LEGAZPI CITY- Nagpapadagos an manhunt operations kan mga otoridad sa mga suspek na nasa likod kan pambabadil sa media personality sa Albay.
Katakod kaini, sinabi ni Albay Governor Noel Rosal na planong dagdagan an pabuya para sa mas marikas na pagkakadakol sa suspek sa pambabadil ki Adrian “Golden Boy” Loterte.
Sinabi kan gobernador na planong paaprubaran an kantidad kan dugang na pabuya sa Sangguniang Panlalawigan.
Sa presente napag-araman na igwa na nin P500,000 na pabuya hali sa mga donasyon kan nagkapirang mga personalidad.
Nagtutubod an opisyal na sa paagi kaini, mas mapapadali an pagkakadakop kan gunmen.
Mientras tanto, liwat na nanindugan si Rosal na dae tutugutan sa Albay an anuman na kadahasan asin dae pwedesir na utangon an buhay huli ta wara ining katumbas na anuman na bagay.
