LEGAZPI CITY-Nag-isyu an Quezon City Court (QC) nin mandamiento de aresto laban ki Bise Presidente Sara Duterte huli sa saiyang kaso nin grave threats susog sa saiyang abogado ngonian na aldaw nin Biyernes.
Segun ki Atty. Paul Lawrence Lim an nagseserbing counsel, sa sarong pahayag na “maski anong kwestyun sa hurisdiksyon, wara suboot na intensyon na maglikay sa ley si VP Sara asin padagos niyang gagamiton an gabos na legal remedies”.
Kinumpirmar man kan Department of Justice (DOJ) an pagpaluwas kan husgado kan mandamiento de aresto.
Kan enot na mga aldaw kan Agosto, an DOJ nagsangat nin tulong counts kan grave threats laban sa bise presidente.
Ipigrekomendar man kan mga piskal an piyansa na nagkakantidad nin P120,000 kada counts kan nasabing kaso.
