Kinasuhan kan National Bureau of Investigation si Atty. Raul Lambino huli sa pagkalat nin pekeng impormasyon.
Kairiba sa kinasuhan kan NBI sa Department of Justice (DOJ) si dating National Youth Commission (NYC) commissioner Ronald Cardema.
Sinabi ni NBI Technical Intelligence Service Agent Allen Rey Delfin, nahahampang an duwa sa pagbalgar sa Article 154 ng Revised Penal Code o unlawful use of means of publication o unlawful utterances.
Pwedesir na makulong an mga ini nin sarong bulan asin multa nin P40,000 hanggang P200,000.
Nagpuon an kaso kan kasagsagan kan pag-arestar ki dating Presidente Rodrigo Duterte kan International Criminal Court (ICC) kan Marso 11 kun saen sa live ni Lambino an ipigkalat kaini na igwang iniluwas an Korte Suprema nin Temporary Restraining Order (TRO) sa pag-aresto ki Duterte alagad wara man na iniluwas na Temporary Restraining Order.
Siring man an ginibo ni Cardema kan ini naintrevista sa Villamor Air Base ngani isurog si Duterte.
