LEGAZPI CITY- Inilatag kan Overseas Workers Welfare Administration (OWWA) an nagkapirang benepisyo kan pagkuwa nin E-Card kan mga Overseas Filipino Workers.
Segun ki OWWA Bicol Regional Director Jenivie Aguallo sa intrevista kan Bombo Radyo Legazpi na dakulang tabang ini para sa identification kan sarong OFW.
Napag-araman na enot na bes na nakapag issue kan E-Card sa Legazpi City makalihis an pag-upgrade kan features kaini.
Sinabi kan opisyal na an mga igwang aktibo na OWWA membership an pwedesir na mag-apply para sa nasabing E-Card.
Pwedesir ining maggamit kan mga OFWs ngani na magkaigwa nin discount sa nagkapirang mga restaurant, hotels, salon asin iba pa.
Dagdag pa ni Aguallo na nagkaigwa na man nin Memorandum of Agreement sa nagkapirang business owners sa Singapore, South Korea, United Arab Emirates, Greece, asin iba pang mga nacion ngani na matawan nin diskwento ang mga E-Card holder.
Nagtutubod an ahensya na makakatabang ini maski papano para sa mga Pilipino na nagtatrabaho sa manlain lain na mga nacion.
