Pinahali kan Philippine Coast Guard (PCG) an sarong fishing vessel asin apat na saradit na bangka makalihis mamataan sa territorial waters kan Lawak Island o Nanshan Island sa West Philippine Sea.
Segun ki PCG spokesperson Rear Admiral Jay Tarriela, pauru-utro na binako kan mga tauhan kan Coast Guard na apudon sa radyo an barkong Yuetaiyu 63168 mantang nakaangkla ini sa lugar.
Tulong beses man na naglibot sa palibot kan barko an rubber boat na piglulunadan kan mga tauhan kan PCG.
Kan dae magsimbag an Chinese vessel, pinahali kan mga tauhan kan Coast Guard an apat na saradit na bangka na nasa palibot kaini.
Kalaunan, nagbalik an mga ini sa saindang mother vessel, na nag-angat kan angkla asin naghali sa katubigan kan Lawak Island.
Wara man na naireport na dae pinaglalaoman na insidente sa operasyon.
Tinawan duon ni Tarriela na parte kan banwaan kan Kalayaan, Palawan, an Nanshan Island asin dae pwedesir na magsira an mga dayuhang behikulong pandagat sa territorial waters kan Pilipinas na warang pagtugot.
Segun sa PCG na an paggamit nin mga saradit na bangka hali sa sarong Chinese mother vessel ngani na magsagibo nin pagasisira sa nasabing katubigan an pagbayolar sa mga ley kan Pilipinas, kaibanan an Philippine Fisheries Code asin Philippine Maritime Zones Act.
