Nagpakitang-gilas si Luka Doncic sa saiyang pagbabalik sa Dallas na nag-ambag nin 45 points nganing pangenotan an Los Angeles Lakers sa 112-97 na pagkagana laban sa Mavericks.
Sa enot na bes poon kan ma-trade kan Pebrero 2, nagkawat giraray si Doncic sa hampang kan saiyang dating home crowd.
Nagin emosyonal siya sa pre-game tribute asin sinabat nin mainit na palakpakan hale sa saiyang mga fans sa Dallas.
Afuera sa saiyang 45 puntos, nagdugang si Luca nin walong rebounds asin anom na assists.
Nag-ambag man si LeBron James nin 27 points asin pitong rebounds para sa Lakers.
Mientrastanto, si Anthony Davis, na parte kan trade para kay Doncic, an nagrehistro nin 13 puntos asin 11 rebounds para sa Mavericks sa saiyang enot na kawat laban sa saiyang dating koponan.
